跳至主要內容
有關愛滋病測試

有關愛滋病測試

空窗期 -

空窗期

空窗期喺身體受愛滋病病毒感染,直至抗體/抗原測試檢驗出陽性反應嘅一段時間。喺呢段期間,病毒喺感染者體內快速複製,令感染者變得具高度傳染性,即使抗體/抗原測試呈陰性反應,仍能將愛滋病病毒傳染畀他人。

酶聯免疫吸附測試(ELISAs)係現今常用嘅測試技術之一,可檢驗樣本中嘅愛滋病病毒抗體。感染初期,人體需要一段時間先可產生足夠嘅愛滋病病毒抗體去到可被偵測嘅水平,呢段時間因人而異,可長達三個月

過去幾年間,愛滋病檢測技術不斷進步,新一代檢測技術無論靈敏度或特異度都比上一代提高,而且空窗期較短。以第四代愛滋病檢測產品為例,可檢驗愛滋病病毒一型(HIV-1)、愛滋病病毒二型(HIV-2) 抗體及p24病毒抗原,空窗期可縮短至兩至三星期。因此,合併酶聯免疫吸附測試與p24抗原檢測嘅第四代愛滋病檢測套裝,可大幅縮短空窗期。

現時,第二、第三和第四代嘅檢測套裝經常被專業人士或提供檢測服務嘅愛滋病組織採用;但截至2016年12月嘅資料,香港市面上只有第二代和第三代嘅自我檢測套裝產品(請參閱愛滋病自我檢測)。使用者必須留意,較短嘅空窗期只意味可較早發現感染,假如喺空窗期內檢測結果呈陰性,仍不能排除之前三個月內進行嘅風險行為可能會導致愛滋病病毒感染。如有疑慮,應重複檢驗或請教醫生。。

愛滋病檢測產品 使用的技術 空窗期
第一代 酶聯免疫吸附測試 最短約五星期
第二代 酶聯免疫吸附測試 縮減至最短四星期
第三代 酶聯免疫吸附測試 縮減至最短三星期
第四代 酶聯免疫吸附測試及p24抗原檢測 縮減至最短兩星期
透過測試知道愛滋病病況嘅好處+
愛滋病病毒抗體測試+
愛滋病病毒抗原測試+
愛滋病病毒抗體快速測試+
愛滋病自我檢測+
篩查檢測的靈敏度和特異度+
自我檢測、傳統測試及快速測試的比較+