人講你又信？！

事實：唔一定。有人中咗HIV，幾年來都可以無症狀。話分兩頭，中招嘅人即使自我感覺良好，病毒依然會喺體內不斷繁殖，慢慢整壞免疫系統。

事實：病毒載量係指感染者血液裡可檢測到嘅愛滋病病毒數量。多項研究顯示大多數HIV嘅感染者接受咗抗愛滋病病毒藥物治療最少六個月後，可將病毒數量減低到無法被偵測嘅水平（< 200 copies/ml）。如你能一直監察病毒載量而能維持這水平，經由性傳播HIV嘅機會是微乎其微。

事實：當兩個患上不同類型HIV病毒嘅感染者，未係有效控制病情之下有不安全性行為，就可能會互相傳染各自的病毒，即係所謂「愛滋病病毒超級感染」。新嘅病毒株可以代替原有嘅病毒株，又或者同原有嘅病毒株混合產生變種。有啲人可能因為超級感染而加速病情惡化，原因係新嘅病毒株對服用緊嘅抗病毒藥物產生抗藥性。

多項研究顯示大多數HIV嘅感染者接受咗穩定嘅抗愛滋病病毒藥物治療後，可將病毒數量減低到無法被偵測嘅水平（< 200 copies/ml）。如你及伴侶都能一直監察病毒載量而能維持這水平持續六個月以上，經由性互相傳播HIV嘅機會是微乎其微。

不過就算雙方病毒數量都減低到無法被偵測嘅水平，如果同其他人有不安全性行為(即係唔用安全套)，就有機會惹到淋病、梅毒、乙肝同丙肝等等嘅性病。

事實：雖然口交感染HIV嘅風險遠低於肛交，但係你都有可能因為幫人吹和舔肛而感染。而幫人吹兼畀人口爆，更會比純幫人吹而無畀人射，以及被吹同被舔，有更高嘅感染風險。增加中招風險嘅因素仲包括性伴侶嘅病毒數量高、爛口、牙齦出血、性器官潰瘍，以及其他性病嘅感染。

事實：雖然吹同舔比扑嘢少好多風險，但都應該要用安全套或者口交膜（一塊喺你舔對方菊花時防止直接接觸嘅方形乳膠）。另外，其他性病好似淋病同梅毒都可以透過口交傳播，所以記住戴套或者用口交膜，保護自己同你嘅伴侶。

事實：愛滋病病毒及丙型肝炎可以經感染者嘅鼻血，透過共用飲筒或者其他鼻索架撐而傳播，所以無共用架撐係好嘅，最好連毒都唔好吸。

事實：其實可以係好大問題！如果你有HIV，再感染其他性病，好似梅毒同丙肝，HIV嘅病毒數量就會激增，可能會令你嘅病情惡化。即使你食緊抗病毒藥物，你嘅病毒數量仍然會上升。

事實：雖然抗病毒藥物不斷改良，令感染者嘅生活過得越來越好。但係染上HIV嘅人較大機會中埋慢性病, 如慢性阻塞性肺病（COPD）、糖尿病和HIV相關的神經認知障礙（HAND），所以實行健康生活習慣對感染者尤其重要。

事實：錯！不幸嘅係而家仲未有愛滋病病毒疫苗。病毒具有逃避免疫系統攻擊嘅獨特方式，而且人體似乎無法喺免疫上對該病毒還以顏色。因此，科學家仲未能夠製造有效疫苗對付愛滋病病毒。

事實：你可能認為你partner一直對你好忠誠，唔會傳播病毒。但係如果你partner從來唔知道自己有愛滋病呢？一個經已感染愛滋病病毒嘅人都可以幾年無乜病徵。另外，你清唔清楚知道自己partner過去嘅性史先？病毒係可以透過輸血同共用針具等非性行為傳播，所以同伴侶嘅忠實無關。為咗安全起見，總之扑嘢就一定要戴安全套，而最好就係你同你partner定期去做測試。

事實：有啲未確診而帶有愛滋病病毒嘅人，可以感染咗好幾年都睇上去好健康，因為病毒會慢慢咁損害人嘅健康，期間仲可以傳染畀其他人，所以做測試係好重要。

事實：而家高效能抗病毒治療經已有好幾種新藥，副作用又少，只要及早接受治療，感染者係可以過正常健康嘅生活。治療有助你保持強壯同健康嘅體魄，並預防愛滋病病發。