剛剛確診

確診感染愛滋病後，好多時都會產生負面情緒，例如焦慮、憤怒同抑鬱等等，但係都唔會永遠持續落去，而且你係可以選擇怎樣面對你嘅情緒反應。

世界上仲有好多事情可以做：

• 分配足夠嘅時間休息，咁就可以容易平復情緒同恢復體力。
• 每日繼續如常工作。
• 同知道你確診兼且你信任嘅人，分擔你嘅感受同擔憂。
• 唔好食咁多有咖啡因、尼古丁同酒精嘅嘢。
• 安排一些娛樂畀自己來放鬆精神，又或者可以喺宗教層面上尋求精神上嘅安慰同支持。
• 搵支援團隊幫手，包括醫生、屋企人、朋友、支援小組同其他服務機構。記住你絕對唔孤單，「時間」就係最好嘅良藥。

同愛滋病病毒並存並非代表你一定要一個人面對。屋企人、朋友同你周圍嘅人都可以幫到你。你亦可以唔講比其他人聽，因為你仍然可以喺愛滋病專科同社區組織中搵到支援。

為愛滋病病毒感染者提供社區服務嘅機構包括：

• 關懷愛滋
• 再思社區健康組織
• 香港愛滋病基金會
• 愛滋寧養服務協會

你要做嘅係：

• 與醫生齊齊制訂治療方案；
• 準備面對日常生活上嘅變化，例如放置藥物嘅地方；
• 堅守方案，同醫生傾傾自己一些無法承受嘅藥物副作用。

去搵一位愛滋病專科醫生幫助你係相當重要，原因係佢會監察住你嘅化驗結果，同你一齊制定一個適合你嘅治療方案，提醒你需要關注嘅健康問題，照顧你嘅整體健康。

提供愛滋病病毒感染臨床同社區服務嘅機構：
愛滋病病毒感染嘅治療及護理服務主要由衞生署綜合治療中心 提供。現時，約六成嘅愛滋病病人由九龍灣綜合治療中心直接治療及護理。有關衞生署嘅門診費用及化驗費用，可參考衞生署網頁。

另外，伊利沙伯醫院 及瑪嘉烈醫院 亦有提供治療及護理服務。醫療收費詳情可參考醫院管理局的網頁。

對感染咗HIV嘅你來講，透露病情可以話係最難面對嘅部份。但有人可以聽你講點都係好啲，無論佢哋係屋企人、服務提供者、伴侶或者朋友。搵一搵你覺得可以信任而且可以幫到手嘅人。先諗一諗：

• 你點解要話畀佢哋知？佢哋幫到乜嘢？
• 如果你想打電話話呢個消息畀佢哋知，你先要搵一個私人空間，諗諗呢個時間係唔係一個適當嘅時間。
• 你要對對方嘅反應有心理準備，原因係你無法控制人哋點樣睇你呢個消息。

打開話題嘅例子可以係：

• 「我有重要嘢講畀你知，我上個禮拜做咗個愛滋病測試，發現自己感染咗。」

回應嘅例子可以係：

• 「你係咪背叛咗我？」
  回應：「唔係，愛滋病病毒可以潛伏好耐而自己都唔知。係先前嘅partner傳畀我哋其中一個。」