性病與愛滋病合併感染
性病患者因性接觸而感染愛滋病嘅人數比非患者至少高出兩至五倍；另外，同時感染愛滋病同性病嘅人，會更容易透過性接觸將愛滋病傳染畀其他人。
梅毒、愛滋病
-
- 在愛滋病感染者身上，梅毒蔓延至神經系統嘅速度可以非常快；相對於無受感染嘅人，蔓延速度則可能需時幾年或者幾十年。而原先只出現在梅毒晚期嘅神經系統併發症亦都可能會在初期出現。
- 如果合併感染了梅毒及愛滋病病毒，佢嘅CD4淋巴細胞指數會下跌，而病毒數量就會上升，令到愛滋病病毒感染情況惡化及更易病發而演變成愛滋病。
淋病、愛滋病
-
- 若愛滋病病毒感染者患上淋病，可能會加劇病徵同併發症出現。
- 感染淋病會增加精液嘅愛滋病病毒數量，在無保護肛交嘅情況下，傳播愛滋病嘅機會就大大提高。
- 患上淋病，尤其係肛門淋病，可導致發炎，令未受感染嘅人更易感染愛滋病。
性病疣、愛滋病
-
- 性病疣會喺免疫力較差嘅情況下生長得更快。若愛滋病病毒感染者患上肛門疣、性病疣，即使已接受傳統嘅局部治療，康復嘅速度都會較慢。
性病疱疹、愛滋病
-
- 同無受感染嘅人比較，愛滋病病毒感染者嘅性病疱疹復發率可能會較高且來得較嚴重。性病疱疹更可能加速愛滋病病毒複製，繼而推高病毒數量。
衣原體、愛滋病
-
- 衣原體大大增加咗愛滋病病毒感染者精液內嘅病毒數量，即係話佢哋更容易將愛滋病病毒傳染畀其他人。
丙肝、愛滋病
-
- 如果患者係合併感染了丙肝同愛滋病，愛滋病病毒數量就會升高。如果無接受治療，可能會令丙肝嘅病毒載量上升，所以有人係同時接受兩種感染嘅治療。
- 同時感染愛滋病同丙肝嘅人，應該定期做肝酵素水平測試，盡量唔用對肝臟有損嘅高效能抗病毒藥物。
傳染性軟疣、愛滋病
-
- 愛滋病病毒感染者患上傳染性軟疣嘅風險較高。腫塊可以喺身體任何部位出現，但最多係喺面上。同無感染嘅人相比，治療較困難。